যিদিশত মহাভক্তসৱে শ্ৰীমন্ত কমললোচনৰ
পৰম সন্তোষে কীৰ্ত্তন যিটো কৰয় |
সিদিশক নমস্কাৰ কৰি দুৰ্ঘোৰ সংসাৰ সুখে তৰি
আপুনি অচ্যুত-স্বৰূপ সিটো হোৱয় ||৬৭২
ৰমানন্দ-পদ-যুগলৰ মকৰন্দ-মধু-ব্ৰত-প্ৰায়
ভকতসকলে যিদিশত প্ৰকাশয় |
সিদিশ জানিবা গঙ্গাদেৱী অনেক প্ৰৱাহ-ৰূপে সেৱি
পৰম নিৰ্ম্মল-স্বৰূপে শোভা কৰয় ||৬৭৩
শ্ৰীমধুদ্বিষ ঈশ্বৰৰ কীৰ্ত্তন মঙ্গল নিৰন্তৰ
যিটো ভুমি-ভাগে শুদ্ধ-ৰূপে হোৱে জাত |
তাৰ ধুলি যিটো শিৰে ধৰে নিছয়ে জানিবা সিটো নৰে
কৃষ্ণৰ পৰম বল্লভ হোৱে সাক্ষাত ||৬৭৪
হে দেৱ মহেশ্বৰ হৰি তযু কথামৃত পান কৰি
বঢ়ায়া ভকতি মনক শুদ্ধ কৰয় |
বৈৰাগ্যেসে সাৰ ভৈলা যাৰ হেনয় বোধক লভি পুনু
পৰম নিৰ্ম্মল বৈকুণ্ঠ গৈয়া পাৱয় ||৬৭৫

পলাশ ৰঞ্জন চৌধুৰীৰ প্ৰচেষ্টাত